VOV4.Êđê - Aguah mbrue (25/5) Dương Văn Trang, khua bruă Đảng čar Kontum nao čuă lehanăn mă leh bruă hŏng Êpul bruă hgŭm lŏ hma Công Bằng Pô Kô Farm ti kdriêk Đăk Hà. Thŭn 2020 jing thŭn tal êlâo Pô Kô Farm mphŭn pŏk bruă čhĭ hliê dua mta mnơ̆ng mâo: kphê đeh, lehanăn braih êba. Êngao kơ kphê đeh dưi mkra mjing mơ̆ng mta asăr kphê siam, snăn braih êba jing sa mta mnơ̆ng jăk kơ klei suaih pral, kơ klei bi msiam asei mlei, jing mjeh mdiê dưi ƀuh pluă hlăm đang kphê mrâo pla. Pô kô Farms jing anôk mkăp asăr boh kphê siam, mâo hnơ̆ng jăk, rơ̆ng hưn mdah klă phŭn agha anôk pla mjing, lehanăn anôk đeh mkra dưi ba čhĭ hlăm kluôm ala lehanăn kơ ala tač êngao. Thŭn 2020, ênoh mâo ba wĭt jih jang jing êbeh 18 êklai prăk. Khua bruă Đảng čar Kontum mtă kơ Êpul bruă hgŭm lŏ dơ̆ng bi kjăp hdră mă bruă, mđĭ klei tŭ dưn hĭn, mâo klei bi mguôp, dưn yua jih klei thâo mĭn pioh kiă kriê, mkŏ mjing Êpul bruă hgŭm. Lehanăn mtă kơ kdriêk Đăk Hà bi lar hdră mă bruă anei jing klei bi hmô jăk./.

Y Khem pô mblang