VOV4.Êđê - Tlam mbruê 11/8, ti sang bruă kƀĭn ala, dhar bruă gĭt gai bruă kƀĭn ala mkŏ mjing leh klei bi tuôm hŏng phung bi ala bruă kƀĭn ala gưl 14 amâo lŏ djŏ ruah lehanăn phung knuă druh mâo dhar bruă gĭt gai bruă kƀĭn ala kiă kriê truh thŭn mdei bruă. Khua bruă kƀĭn ala Vương Đình Huệ gĭt gai klei bi tuôm anei. Blŭ hlăm klei bi tuôm, ñu mñă klă, bruă kƀĭn ala mâo na nao klei mpŭ, hmư̆ klei blŭ, klei akâo, mă klei hriăm lehanăn boh blŭ mơ̆ng phung bi ala bruă kƀĭn ala gưl 14 amâo lŏ djŏ ruah lehanăn dŭm čô knuă druh mâo dhar bruă gĭt gai bruă kƀĭn ala kiă kriê jih leh thŭn ngă bruă, lehanăn čŏng nao akâo boh blŭ kơ dŭm boh klei djŏ tuôm, bruă klam mơ̆ng bruă kƀĭn ala, boh nĭk jing dŭm boh klei hlăm hdră êlan ngă bruă čiăng tui ngă hdră mtrŭn mơ̆ng klei kƀĭn kluôm Đảng tal 13 lehanăn dŭm hdră mkăp hlăm klei bhiăn, dŭm hdră êlan klă klơ̆ng djŏ tuôm hŏng bruă ngă, bruă klam mơ̆ng bruă kƀĭn ala.

Y Bel pô mblang