VOV4.Êđê- Aguah hruê 14/6, ti Sang bruă kƀĭn ala, mphŭn pŏk Klei bi kƀĭn tal 57 mơ̆ng Dhar bruă gĭt gai bruă kƀĭn ala. Blŭ hrăm mphŭn pŏk, Khua bruă kƀĭn ala Vương Đình Huệ lač klă leh dŭm bruă phŭn yuôm bhăn mâo Dhar bruă gĭt gai bruă kƀĭn ala brei klei blŭ ti Klei bi kƀĭn tal 57 jing tĭng dlăng boh tŭ hluê ngă hdră kčah mđĭ kyar bruă duh mkra – ala ƀuôn lehanăn bruă ngăn prăk knŭk kna 6 mlan akŏ thŭn lehanăn dŭm hdră msir hluê ngă kčah mđĭ kyar bruă duh mkra – ala ƀuôn lehanăn bruă ngăn prăk knŭk kna 6 mlan knhal jih thŭn 2021.

Brei klei blŭ kơ Hră hưn mdah boh tŭ tal êlâo mơ̆ng gưl ruah pô bi ala bruă kƀĭn ala gưl 15 lehanăn Êpul gơ̆ng bruă ƀuôn sang dŭm gưl wưng thŭn 2021 – 2026. Khua bruă kƀĭn ala bi mni kơ dŭm klei đru mguôp mơ̆ng êpul bruă msĕ si: Mdrao mgŭn, lĭng kahan, kahan ksiêm, dŭm gưl bruă sang čư̆ êa hlăm hdră ruah khua; bruă ba yua kdrăp hâo hưn ênuk mrâo hlăm hdră ruah khua, ăt msĕ mơh hdră hâo hưn, mtô mblang kơ gưl ruah khua dưi mkŏ mjing hŏng klei djŏ klă, mjing ai êwa hơ̆k m’ak, đru mguôp hlăm klei tŭ jing jăk siam mơ̆ng gưl ruah khua./.

                                                    Pô mblang: H’Nêč Êñuôl