VOV4.Êđê - Nao čuă lehanăn mđup brei mnơ̆ng kơ mnuih ngă bruă dôk tuôm hŏng klei dleh dlan kyua hmăi amâo mâo jăk mơ̆ng klei ruă tưp Covid 19. Khua bruă kƀĭn ala Vương Đình Huệ bi myuôm klei gĭr mơ̆ng công đoàn djăp gưl hlăm čar Daklak khădah găn klei dleh dlan, ƀiădah ăt dưi mkŏ mjing lu bruă bi đru, duh mĭn kơ mnuih ngă bruă, amâo mâo djŏ knŏng hlăm čar ƀiădah lŏ đru mguôp, mđĭ ai mnuih ngă bruă čar Bắc Giang, Bắc Ninh... anei jing dŭm bruă boh hŏng klei yuôm bhăn, klei thâo bi đru, bi êdah ai tiê klei khăp, kñăm đru bi mđĭ ai mnuih ngă bruă, boh nik mnuih dôk găn klei dleh dlan čŏng pô kpưn đĭ, jih ai tiê hlăm bruă knuă.

Khua bruă kƀĭn ala Vương Đình Huệ bi mni kơ dŭm gưl bruă công đoàn čar Daklak, lehanăn klei thâo bi đru mơ̆ng dŭm anôk bruă êpul êya, lehanăn phung duh mkra. Ƀri wưng anei, Khua Bruă kƀĭn Vương Đình Huệ, Khua knơ̆ng čih hră bruă kƀĭn ala, Khua adŭ bruă kƀĭn ala Buì Văn Cường lehanăn phung khua êmua hlăm êpul ngă bruă mđup brei leh truh 50 hnư mnơ̆ng mđup brei kơ mnuih ngă bruă dôk tuôm hŏng klei dleh dlan kyua hmăi amâo mâo jăk mơ̆ng klei ruă tưp./.

Y Khem pô mblang