VOV4.Êđê-  Tlam mbruê (15/6), ƀri bi hdơr 96 thŭn hruê klei mrâo krŭ kdơ̆ng Việt Nam (21/6), ti sang bruă kƀĭn ala, adŭ bruă kƀĭn ala mâo leh klei bi tuôm lehanăn mă bruă hŏng dŭm anôk bruă klei mrâo. Nao hgŭm lehanăn blŭ hlăm klei bi tuôm, khua bruă kƀĭn ala Vương Đình Huệ mñă klă bruă klam mơ̆ng bruă klri mrâo hlăm dŭm bruă ngă mơ̆ng bruă kƀĭn ala jing yuôm bhăn êdi. Jing anôk bruă kơ mnuih ƀuôn sang, anôk bruă bi ala prŏng hĭn kơ mnuih ƀuôn sang hlăm ala čar, jih jang klei mrâo lehanăn êpul êya, dŭm bruă ngă mơ̆ng bruă kƀĭn ala amâo srăng dưi truh kơ phung mplĕ hră, mnuih ƀuôn sang hlăm ala čar lehanăn êngao ala čar tơdah amâo mâo klei đru mguôp mơ̆ng dŭm anôk bruă klei mrâo. Hlăm bruă klei mrâo, phung mplĕ hră dưi ksiêm dlăng dŭm bruă ngă mơ̆ng bruă kƀĭn ala lehanăn lŏ mklăk wĭt hŏng anăn. Jih jang bruă mơ̆ng bruă kƀĭn ala msĕ si čih mkra klei bhiăn, ksiêm dlăng, lehanăn bi mklă dŭl boh klei yuôm bhăn hlăm ala čar ăt kăn dưi nao truh hlăm klei hdĭp lehanăn dŭm bruă ngă mơ̆ng bruă kƀĭn ala. Sa ai hŏng dŭm klei blŭ mơ̆ng êpul khua êmua bruă klei mrâo, hlăm hruê mmông kơ anăp, khua bruă kƀĭn ala Vương Đình Huệ mñă klă, dŭm boh klei mâo klei jăk kơ hdră duh ƀơ̆ng, čiăng mâo klei kñăm hâo hưn mơ̆ng bruă kƀĭn ala.

Pô mblang: Y-Ƀel Êban