VOV4.Êđê - Aguah hruê 12/7 mbruê, ti Anôk bruă kƀĭn ala, Khua bruă kƀĭn ala, Khua kiă kriê Êpul gơ̆ng bruă ruah khua ala čar Vương Đình Huệ gĭt gai leh Klei bi kƀĭn tal 8, anei jing klei bi kƀĭn knhal tuič mơ̆ng Êpul gơ̆ng bruă ruah khua ala čar. Khua bruă kƀĭn ala Vương Đình Huệ brei thâo, leh bi mklă k’hưm pô bi ala, dŭm gưl Êpul gơ̆ng bruă ƀuôn sang truh kơ ară anei mkŏ mjing leh Klei bi kƀĭn tal sa lehanăn ruah mdưm ênŭm leh mnuih mă bruă hlăm Êpul gơ̆ng bruă ƀuôn sang, Anôk bruă sang čư̆ êa mơ̆ng gưl čar, gưl kdriêk truh kơ gưl să.

Khua bruă kƀĭn ala bi mklă leh anăn djŏ ruah Khua kiă kriê, K’iăng khua kiă kriê Êpul gơ̆ng bruă ƀuôn sang gưl čar. Ti anôk bi kƀĭn tal sa, bruă kƀĭn ala gưl XV ruah ênŭm leh phung khua kiă kriê knơ̆ng mơ̆ng knŭk kna lehanăn mnuih mă bruă gưl dlông hŏng 50 čô khua kiă kriê. Snăn, leh Klei bi kƀĭn tal 1 mơ̆ng bruă kƀĭn ala gưl XV, hdră bruă knuă druh, phung khua kiă kriê dŭm gưl dưi ruah ênŭm leh klei bi kƀĭn./.

H Nêč pô mblang