VOV4.Êđê - Mă bruă hŏng anôk bruă čih mkăp ala čar kơ mnuih ƀuôn sang, knơ̆ng bruă kahan ksiêm ksiêm dlăng bruă knŭk kna kơ klei êđăp ênang yang ƀuôn, phŭn bruă kahan ksiêm tlam mbruê, khua bruă kƀĭn ala Vương Đình Huệ mñă klă, dŭm klei čih pioh anei jing ngăn dŏ ala čar, kyuanăn mă mkăp, dưn yua, bi lar jih hnơ̆ng kñăm đru kơ bruă mđĭ kyar bruă duh mkra - ala ƀuôn mơ̆ng ala čar. Dŭm hruê anei, ala čar dôk ngă dŭm bruă mjêč gang mkhư̆ klei ruă tưp. khua bruă kƀĭn ala Vương Đình Huệ mtă sơnei, phŭn bruă kahan ksiêm lŏ gĭr jih ai dưi bi lar bruă klam jing êpul ba anăp bruă gang mkhư̆ klei ruă tưp Covid-19, hrăm mbĭt hŏng bruă kđi čar mkhư̆, msưh kdŭn klei ruă tưp hlăm hruê mmông hnưm hĭn, djal hĭn. Bi kơ bruă klam mkŏ mjing klei čih pioh ala čar kơ mnuih ƀuôn sang, bruă mkra mjing, mkăp brei lehanăn ksiêm dlăng hră kak asei, khua bruă kƀĭn ala Vương Đình Huệ mñă klă, klei čih pioh ala čar kơ mnuih ƀuôn sang jing ngăn dŏ ala čar. Kyuanăn, čiăng ksiêm dlăng, mă mkăp, dưn yua lehanăn bi lar jih hnơ̆ng klei yuôm bhăn mơ̆ng bruă anei kñăm đru kơ bruă mđĭ kyar bruă duh mkra - ala ƀuôn mơ̆ng ala čar.

Y Ƀel pô mblang