VOV4.Êđê- Aguah mbrue (31/8), ti Sang bruă kƀĭn ala, Khua Bruă kƀĭn ala Vương Đình Huệ kiă kriê leh klei bi kƀĭn tal sa Êpul mkŏ mjing truăn kơ “hdră êlan mkŏ mjing, bi leh klei bhiăn, lehanăn mkŏ mjing bruă hlue ngă klei bhiăn truh kơ thŭn 2030, tă hdră truh kơ thŭn 2045, bi leh bruă mkŏ mjing knŭk kna mâo klei dưi êngiê hlue hdră êlan yang ƀuôn êngiê Việt Nam”, (pia klah čŭn jing Êpul mrô 1).

Ti anôk bi kƀĭn phung khua hlăm êpul anei mâo leh klei blŭ kơ dŭm mta bruă mâo Khua bruă kƀĭn ala Vương Đình Huệ pŏk êlan, anăn jing đơ knua ksiêm duah, hdră hlue ngă čiăng bi mâo klei trông čhai, iêu jak lu klei mĭng knhăk, lehanăn mă klei hriăm mơ̆ng dŭm ala čar, dưn yua boh tŭ dưn mơ̆ng klei mlih mrâo 4.0. Mâo klei blŭ ti anôk bi kƀĭn, Khua bruă kƀĭn ala Vương Đình Huệ mtă, Êpul čih mkra hrui mă jih klei blŭ mơ̆ng phung khua hlăm êpul mrô 1, dưn yua boh tŭ dưn mơ̆ng djăp bruă ksiêm wĭt, rơ̆ng kơ bruă dưi lŏ čuê, ksiêm duah klei hriăm mơ̆ng dŭm ala čar, mơ̆ng bi lar, lehanăn dưn yua kơ pô hlăm djăp mta klei tŭ jăk./.

Pô mblang: Y-Khem Niê