VOV4.Êđê - Aguah mbrue (23/6), Khua bruă kƀĭn ala Vương Đình Huệ mâo leh klei bi blŭ hrăm hlăm online hŏng Khua bruă kƀĭn ala Hàn Quốc Park Byeong Seug. Khua bruă kƀĭn ala Vương Đình Huệ mñă, Việt Nam jih ai tiê dlăng yuôm, lehanăn čang hmăng mâo klei mđĭ kyar bruă hgŭm hŏng Hàn Quốc, yap Hàn Quốc jing ƀĭng hgŭm yuôm bhăn nanao, lehanăn jing pô tal êlâo hlăm klei Việt Nam bi mguôp hŏng tač êngao.

Ti anôk bi blŭ hrăm, dua khua bruă kƀĭn ala ăt bi lač, dua nah lŏ dơ̆ng mđĭ hĭn klei hgŭm bruă kƀĭn ala dua ala čar, lehanăn dua ala čar bi klă dŭm bruă ngă msĕ si:Ngă nanao bruă bi čuă čhưn, bi tuôm gưl dlông, lehanăn dŭm gưl mkăn hŏng djăp hdră jăk găl, mjing dŭm klei găl kơ djăp alŭ wăl lehanăn puhng ƀuôn sang dua ala čar mâo klei bi mguôp mjĕ êrô, jih ai tiê mkŏ mjing djăp bruă bi hdơr 30 thŭn mkŏ mjing klei bi mguôp dua nah, hlăm anăn mâo bi mjĕ êrô bruă knuă, bi trông plah wah dŭm êpul bruă hlăm bruă kƀĭn ala dua ala čar./.

Y Khem pô mblang