VOV4.Êđê - Hruê 17-6, ti Sang bruă kƀĭn ala, Khua bruă kƀĭn ala Vương Đình Hụê bi trông online hŏng Khua hlăm Dhar bruă Klei bi kƀĭn phung bi ala mnuih ƀuôn sang kluôm ala čar Trung Quốc (Khua bruă kƀĭn ala) Lật Chiến Thư. Hlăm klei bi trông, dua Khua bruă kƀĭn ala bi mklă, hnơ̆ng bi hgŭm hdră bruă kluôm ênŭm Việt Nam - Trung Quốc hlăm klei bi blŭ hrăm grăp ala čar, bi mni kơ dŭm klei tŭ dưn, klei tŭ hlăm klei bi hgŭm yuôm bhăn mơ̆ng grăp ala čar, bi mni kơ dŭm klei tŭ dưn hlăm klei bi hgŭm yuôm bhăn dua Đảng, dua knŭk kna, boh nik mjĕ êrô bi hgŭm dua bruă kƀĭn ala hlăm wưng êgao. Čiăng mđĭ klei bi hgŭm kluôm Việt Nam - Trung Quốc lŏ dơ̆ng êlam hĭn, Khua bruă kƀĭn ala Vương Đình Hụê mtă dua tĭng mđĭ klei bi tuôm gưl dlông leh anăn dŭm gưl, dua tĭng hyuă kjăp klei mjĕ êrô mnuih ƀuôn sang, mtă Trung Quốc hyuă kjăp bruă blei mnơ̆ng dhơ̆ng Việt Nam, mđing dlăng, gĭt gai bruă mnia blei dua ala čar msir mgaih dŭm hdră bruă bi hgŭm dôk gun kpăk; hyuă kjăp bi hgŭm kriê dlăng knông lăn ti lăn hang, mđĭ klei mjĕ êrô, mnia blei leh anăn bi hgŭm plah wah dŭm alŭ wăl.

H Zawut pô mblang