VOV4.Êđê- Tlam hruê 6/9, Khua bruă kƀĭn ala Vương Đình Huệ bi tuôm leh hŏng Khua kiă kriê Êpul hgŭm bruă kƀĭn ala tar rŏng lăn (IPU) Duarta Pacheco. Khua bruă kƀĭn ala mñă klă, bruă nao hlăm dŭm hdră ngă bruă mơ̆ng IPU jing sa hlăm dŭm bruă klam yuôm bhăn hlăm bruă kƀĭn ala hŏng tač êngao lu tĭng mơ̆ng Việt Nam kñăm mtrŭt mđĭ lehanăn răng mgang klei tŭ dưi, bi êdah klei mĭn ala čar hlăm klei mđing dlăng kluôm hlăm tar rŏng lăn. Khua bruă kƀĭn ala ba mdah leh 3 mta klei čiăng kơ IPU jing sa êpul êya ngă bruă tŭ dưn hĭn. Bi êdah hŏng klei ba mdah, Khua IPU Duarta Pacheco mñă, srăng mprăp nao ti Hà Nội bi trông klă klơ̆ng čiăng pral pŏk ngă klei ba mdah mrâo mơ̆ng Việt Nam, hlăm anăn mâo bruă mkŏ mjing klei bi kƀĭn thơ̆ng kơ bruă, klei kƀĭn lŏ krŭ wĭt bruă duh mkra, klei bi kƀĭn phung khua êmua mda asei mă bruă kƀĭn ala tar rŏng lăn... hlăm dŭm klei bi kƀĭn mơ̆ng Êpul hgŭm IPU./.

Pô mblang: H’Nêč Êñuôl