VOV4.Êđê- Tlam mbruê, ti sang bruă kƀĭn ala, khua bruă kƀĭn ala Vương Đình Huệ blŭ hrăm êlan đĭng blŭ hŏng khua bruă kƀĭn ala Thailand Chuan Leekpai. Hlăm klei blŭ hrăm anăn, 2 čô khua bruă kƀĭn ala lač, 2 nah ƀuăn rơ̆ng nanao dŭm klei mjĕ giăm gưl dlông lehanăn dŭm gưl, boh nĭk jing dŭm klei bi mguôp 2 nah ară anei. Mbĭt anăn hnưm bi klă hdră êlan ngă bruă mkŏ mjing klei bi mguôp ƀĭng hgŭm dŭm hdră êlan wưng thŭn 2021-2025, bi hmar klei blŭ hrăm, bi klă dŭm hră mơar klei bhiăn yuôm bhăn msĕ si: klei kuôl kă 2 ala čar, klei kuôl kă bi đru klei bhiăn hlăm bruă mnuih ƀuôn sang.

Bi kơ klei mjĕ mgiăm 2 bruă kƀĭn ala, khua bruă kƀĭn ala jih 2 ala čar lač, 2 nah čiăng mâo hĭn klei bi trông êpul gĭt gai gưl dlông lehanăn dŭm dhar bruă, bi mguôp plah wah dŭm anôk bruă thơ̆ng kơ bruă mơ̆ng bruă kƀĭn ala 2 ala čar. 2 bruă kƀĭn ala 2 ala čar bi mguôp kjăp hĭn hlăm dŭm klei bi kƀĭn hlăm alŭ wăl lehanăn tar rŏng lăn, Sa ai hŏng klei mĭn hdơ̆ng pô kơ dŭm boh klei hlăm alŭ wăl lehanăn tar rŏng lăn dôk uêñ mĭn.

Pô mblang: Y-Ƀel Êban