VOV4.Êđê - Aguah hruê 17/8, ti anôk bruă kƀĭn ala, Khua bruă kƀĭn ala Vương Đình Huệ gĭt gai lehanăn blŭ hrăm mphŭn pŏk Klei bi kƀĭn tal 2 mơ̆ng Dhar bruă gĭt gai bruă kƀĭn ala. Blŭ hrăm ti knăm mphŭn pŏk, Khua bruă kƀĭn ala Vương Đình Huệ mtă brei msir mghaih boh klei pah mni khă gơ̆ mâo, bi tiŏ êran hlăm klei bi lông, pah mni. Dhar bruă gĭt gai bruă kƀĭn ala ăt brei lŏ ksiêm dlăng jih hdră bruă pah mni “Medai êdam êra ba anăp kdrưh k’ăm” hlăm klei čih mkra Hdră bhiăn bi lông, pah mni (mkra mlih). Brei klei blŭ hưn mdah mơ̆ng knŭk kna kơ bruă hluê ngă dŭm mta bruă, hdră mtrŭn Ênua yang ƀuôn, kriê dlăng lehanăn ba yua keh Ênua yang ƀuôn thŭn 2020, Dhar bruă gĭt gai bruă kƀĭn ala brei anôk bruă kƀĭn ala lŏ dơ̆ng mđĭ hdră ksiêm dlăng bruă hluê ngă hdră mtrŭn, hdră bhiăn Ênua yang ƀuôn, Ênua luič bruă mă. Tlam, Dhar bruă gĭt gai bruă kƀĭn ala srăng ksiêm dlăng, bi mklă klei bhiăn, hnơ̆ng čuăn lehanăn tĭng dlăng bruă kah mbha, đăo tĭng ngăn prăk knŭk kna thŭn 2020 lehanăn ksiêm dlăng klei ba mdah hlăm bruă ksiêm dlăng mơ̆ng Êpul hgŭm Djuê ana kơ bruă bi mklă krĭng čư̆ čhiăng, krĭng taih kbưi, krĭng dlông./.

H Nêc pô mblang