VOV4.Êđê- Hruê mbruê, klei kƀĭn êpul hgŭm dŭm ala čar ngŏ dhŭng Asi tal 42 (IAPA- 42) kƀĭn bi ruê̆ leh, leh ruê̆ 3 hruê mă bruă hŏng klei mjêč, mâo klei tŭ dưn. Êpul bi ala Việt Nam mơ̆ng khua bruă kƀĭn ala Vương Đình Huệ ba anăp nao hgŭm ti anôk bi kƀĭn Hà Nội. Hlăm klei bi ruê̆ anăn, khua kiă kriê êpul hgŭm dŭm ala čar Ngŏ dhŭn Asi Áp-đun Ra-man Tay-íp lač klă, klei kƀĭn êpul hgŭm mñă ktang leh klei yuôm bhăn hlăm bruă bi mguôp nghị viện, boh nik dŭm klei ƀuăn rơ̆ng mơ̆ng IAPA hlăm bruă mkŏ mjing êpul êya ASEAN čiăng mkŏ mkra sa anôk êđăp ênang, hơĭt kjăp lehanăn mdrŏng sah hlăm alŭ wăl. Leh bi ruê̆ klei kƀĭn anei, dưi mkŏ mjing kñăm ba jao bruă khua kiă kriê IAPA thŭn 2022. Campuchia klă klơ̆ng jing ala čar păn bruă anei. Khua kiă kriê IAPA tal 43 hâo hưn, khua bruă kƀĭn ala Vương Đình Huệ srăng gĭt gai êpul hgŭm IAPA- 43 mơ̆ng hruê 12-2-2022. Khădah hlăm wưng klei ruă tưp Covid-19 mâo klei dleh dưi ktuê dlăng kyuanăn hdră êlan mkŏ mjing ka thâo klă ôh.

Pô mblang: Y-Ƀel Êban