VOV4.Êđê- Hlue si asăp jak iêu mơ̆ng khua AIPA Pehin Dato Abdul Rahman Taid, Khua hlăm êpul hgŭm mkŏ mjing klei bhiăn ala Mtao Brunei, êpul bi ala bruă kƀĭn ala Việt Nam mâo Khua bruă kƀĭn ala Vương Đình Huệ djă akŏ srăng nao ti anôk bi kƀĭn prŏng Êpul gơ̆ng AIPA tal 42 hlăm online, maoa mkŏ mjing mơ̆ng hrue 23 – 25/8 hŏng akŏ “Mđĭ kyar klei bi mguôp bruă kƀĭn ala hlăm kdrăp mrô, anăp truh kơ yang ƀuôn ASEAN thŭn 2025”. Anei jing bruă bi mguôp lu tĭng tal êlâo mơ̆ng khua bruă kƀĭn ala lehanăn êpul khua prŏng bruă kƀĭn ala Việt Nam gưl 15 hŏng ala tač êngao. Tui si tĭng, Khua bruă kƀĭn ala Vương Đình Huệ srăng mâo klei blŭ hrăm ti anôk bi kƀĭn kluôm AIPA 42, čiăng hư̆n mthâo kơ sa ala čar Việt Nam amâo mâo mdei mlih mrâo, Bruă kƀĭn ala Việt Nam mâo bruă klam, jih ai tiê čŏng hgŭm hŏng jih jang bruă kƀĭn ala hlăm alŭ wăl./.

Pô mblang: Y-Khem Niê