VOV4.Êđê- Ƀri knăm bi hdơr 96 thŭn hruê Klei mrâo Cách mạng Việt Nam, aguah 15-5, Khua dlăng bruă Đảng, Khua Dhar bruă gưl dlông Nguyễn Trọng Nghĩa nao čhưn, hơêč hmưi 4 anôk bruă klei mrâo phŭn: mâo Sang mđung asăp blŭ Việt Nam, Sang mđung rup Việt Nam, hră klei mrâo Nhân dân, Thông tấn xã Việt Nam, mbĭt anăn mñă klă brei lŏ dơ̆ng mkŏ mjing klei mrâo cách mạng, mrâo mrang, thơ̆ng kơ bruă, jăk leh anăn tŭ dưn. Nao čhưn, hơêč hmưi Sang mđung asăp blŭ Việt Nam, Khua Dhar bruă gưl dlông Nguyễn Trọng Nghĩa bi mni hlăm wưng êgao Sang mđung asăp blŭ Việt Nam mâo leh lu klei mlih mrâo kơ bruă hâo hưn mtô mblang, boh phŭn, hdră êlan kơ hdră cách mạng leh anăn mrâo mrang, lu jơr hlăm bruă hâo hưn mtô mblang, hlăm anăn mđing kơ anôk bruă nah gŭ, plao ksĭ. Khua Dhar bruă gưl dlông Nguyễn Trọng Nghĩa đaŏ knang Sang mđung asăp blŭ Việt Nam srăng kwang kbưi leh anăn hâo hưn hdră tă kjăp ktang hdră êlan mơ̆ng Đảng truh kơ mnuih ƀuôn sang leh anăn truh kơ mnuih ƀuôn sang dŭm djuê ana, boh nik krĭng knông lăn srăng lu hĭn.

Pô mblang: H’Zawut Ƀuôn Yă