VOV4.Êđê - Hlăm klei hriê čhưn klă klơ̆ng ti Việt Nam, aguah mbruê (29/6), Khua gĭt gai Đảng, Khua lăn čar Lao Thoongloun Sisoulith drông leh Khua dhar bruă mặt trận čar kwar gưl dlông Việt Nam Đỗ Văn Chiến lehanăn khua kiă kriê Êpul hgŭm Việt Nam – Lao, Êpul hgŭm bi mjĕ êrô phung truăn kơ bruă, kahan ba anăp Việt Nam ti Lao. Hơêč hmưi kơ klei tŭ dưn klei bi kƀĭn prŏng tal 11 Đảng mnuih ƀuôn sang Krŭ kdơ̆ng Lao, Khua dhar bruă mặt trận čar kwar gưl dlông Việt Nam mñă, klei khua gĭt gai Đảng, Khua lăn čar Lao hriê čhưn anei srăng mtrŭt klei hgŭm mbĭt Việt Nam -–Lao čhuang hlăm sa knhuang mrâo. Khua gĭt gai lao Thoongloun Sisoulith čang hmăng leh jih klei ruă tưp covid 19, bruă mặt trận Việt Nam lehanăn Lao lŏ dơ̆ng bi mjĕ êrô, kriê pioh, mđĭ hĭn klei bi mguôp jăk siam, năng hŏng dŭm klei tuh êrah mčah klang phung gưl nao leh êlâo./.

Y Khem pô mblang