VOV4.Êđê- Tŭ ư klei iêu jak mơ̆ng khua gĭt gai Đảng cộng sản Việt Nam Nguyễn Phú Trọng, mô̆ ñu lehanăn khua lăn čar Nguyễn Xuân Phúc, hruê anei khua gĭt gai Đảng, khua lăn čar ala čar Lào Thongloun Sisoulith lehanăn mô̆ ñu kčư̆m hruê hriê čhưn ala čar Việt Nam hlăm 2 hruê 28 lehanăn 29/6. Anei jing klei nao čuă čhưn ala čar tač êgnao tal êlâo hĭn mơ̆ng Thongloun Sisoulith păn bruă jing khua gĭt gai Đảng, khua lăn čar Lào wưng thŭn 20212 2026.

Ti aguah anei, leh diñu trŭn ti tač êdeh phiơr Nội Bài, khua lăn čar Nguyễn Xuân Phúc lehanăn mô̆ ñu srăng kiă kriê klei tŭ drông klă klơ̆ng, leh kơ năn khua gĭt gai Đảng Nguyễn Phú Trọng srăng kiă kriê klei blŭ hrăm hŏng khua gĭt gai Đảng, khua lăn čar Thongloun Sisoulith, 2 čô khua gĭt gai Đảng dưi ktuê dlăng knăm bi klă dŭm hră mơar bi mguôp 2 ala čar. Ti tlam anei, khua gĭt gai Đảng, khua lăn čar Lào srăng mâo klei bi tuôm hŏng khua knŭk kna Phạm Minh Chính lehanăn khua bruă kƀĭn ala Vương Đinh Huệ.

Pô mblang: Y-Ƀel Êban