VOV4.Êđê- Bi hdơr 76 thŭn hruê mkŏ mjing ala čar yang ƀuôn ngă phŭn êngiê Việt Nam (2/9/1945 - 2/9/2021), aguah 1/9, êpul bi ala êpul khua bruă Đảng gưl dlông khua lăn čar, bruă kƀĭn ala, dhar bruă mặt trận čar kwar Việt Nam nao dưm leh wang mnga, nao cuă msat khua gĭt gai Hồ Chí Minh. Hŏng klei thâo knga amâo mâo tur, êpul bi ala bi êdah leh klei mpŭ, klei hdơr kơ bruă đru prŏng prĭn mơ̆ng khua gĭt gai Hồ Chí Minh hŏng klei krŭ kdơ̆ng mơ̆ng Đảng lehanăn djuê ana.

Ñu săn leh jih klei hdĭp kơ mnuih ƀuôn sang kơ lăn čar, gĭt gai Đảng, mnuih ƀuôn sang dưi mâo klei tŭ dưi krưh k’ang, mjing kơhưn kơ djuê ana, lăn čar drei. wang mnga mơ̆ng êpul mâo boh hră “Ênuk ênuk hdơr kơ khua gĭt gai Hồ Chí Minh”. Leh kơ anăn êpul bi ala êpul khua bruă Đảng gưl dlông, khua lăn čar, bruă kƀĭn ala, knŭk kna, dhar bruă mặt trận čar kwar Việt Nam nao dưm leh wang mnga lehanăn čuh brui mngưi bi hdơr kơ phung lĭnh kahan êngiă asei ti anôk bi hdơr kơ phung jhŏng ktang êngiă asei êlan Bắc Sơn, Hà Nội.

Pô mblang: Y-Ƀel Êban