VOV4.Êđê - Aguah anei (16/8), êpul khua êmua hlăm dhar bruă mặt trận čar kwar Việt Nam mkŏ mjing leh klei kbĭn trông online ala čar kơ bruă mkŏ mjing hdră êlan mơ̆ng mặt trận čar kwar Việt Nam kơ bruă tui ngă hdră mtrŭn mơ̆ng klei kƀĭn kluôm Đảng tal 13. Khua gĭt gai Đảng Nguyễn Phú Trọng nao hgŭm lehanăn gĭt gai klei kƀĭn anei. Klei kƀĭn anei kñăm bi trông kơ bruă lŏ bi mbŏ, bi ênŭm hdră êlan ngă bruă čiăng dưi ngă mâo boh tŭ dưn hĭn hdră mtrŭn bruă klei kƀĭn kluôm Đảng tal 13 djŏ hŏng klei hmăng hmưi mơ̆ng phung knuă druh, Đảng viên lehanăn mnuih ƀuôn sang. Bruă klam yuôm bhăn mơ̆ng dhar bruă mặt trận čar kwar Việt Nam lehanăn dŭm êpul êya ngă bruă jing: lŏ mkŏ mjing klei bi mguôp djuê ana, mâo klei êngiê, mđĭ klei sa ai hlăm yang ƀuôn, hâo hưn, mtrŭt mjhar mnuih ƀuôn sang ngă djŏ hdră mtrŭn, hdră êlan mơ̆ng Đảng, klei bhiăn ala čar, nao hgŭm hlăm bruă rŭ mdơ̆ng Đảng, knŭk kna brư̆ hruê ƀrư̆ jăk siam, kjăp ktang.

 Y Ƀel pô mblang