VOV4.Êđê - Aguah mbrue (28/6), leh knăm drông klă klơ̆ng, ti anôk bruă Đảng gưl dlông, Khua gĭt gai Đảng Nguyễn Phú Trọng mâo leh klei bi blŭ hrăm hŏng khua gĭt gai Đảng, khua lăn čar Lao Thongloun Sisoulith. Hlăm ai êwa bi dăo knang, bi mguôp yuôm bhăn, dua nah bi hưn mthâo mbĭt kơ bruă knuă grăp Đảng, grăp ala čar, bi trông kơ hdră êlan mđĭ hĭng klei bi mguôp dua Đảng, dua lăn čar lehanăn kơ djăp mta bruă ala tač êngao lehanăn alŭ wăl hlăk bi mđing.

Klei êpul khua êmua gưl dlông Đảng, knŭk kna Lao hriê čhưn kñăm bi mjĕ êrô lŏ dơ̆ng bi trông bi đru hlăm bruă mđĭ kyar, mâo dŭm hdră mă bruă jăk hlue ngă klei leh bi tŭ ư mơ̆ng dua Đảng, dua ala čar hlăm thŭn anei, lehanăn hlăm dŭm thŭn kơ anăp. Mơ̆ng anăn bi klă klei bi mguôp sĭt suôr, bi đăo knang, sa ai êlâo êdei ăt msĕ mơ̆ng Đảng, knŭk kna lehanăn puhng ƀuôn sang dua ala čar, čiăng hrăm mbĭt bi đru hlăm klei mđĭ kyar, mâo dŭm hdră hlue ngă jăk klei leh bi tŭ ư dua Đảng, dua knŭk kna./.

Y Khem pô mblang