VOV4.Êđê - Hruê mbruê 18/6/2021, ti anôk bruă Đảng gưl dlông, khua gĭt gai Đảng Nguyễn Phú Trọng gĭt gai leh klei kƀĭn phŭn bruă kđi čar, kƀĭn phung khua êmua čiăng ksiêm dlăng lehanăn ngă klei ƀuah mkra êpul khua kiă kriê bruă Đảng čar Bình Dương wưng thŭn 2016-2021. Êpul khua êmua bruă Đảng čar Bình Dương lehanăn mâo đa đa knuă druh, jing khua gĭt gai čar Bình Dương êlâo. Êpul kiă kriê bruă Đảng čar Bình Dương wưng thŭn 2015-2020 ngă soh hŏng hdră bhiăn mđĭng hĭn kơ klei êngiê, lehanăn dŭm hdră mă bruă mơ̆ng bruă Đảng čar, lui tha klei gĭt gai, ktrâo kčĕ, amâo mâo klei ksiêm dlăng, truh kơ dŭm êpul êya bruă Đảng lehanăn Đảng Viên ngă soh hŏng dŭm hdră bhiăn mơ̆ng Đảng, klei bhiăn ala čar Việt Nam kơ bruă ksiêm dlăng, yua lăn ala, ngăn prăk, mnơ̆ng dhơ̆ng mơ̆ng Đảng, knŭk kna ti knơ̆ng bruă mkra mjing lehanăn mnia mblei Bình Dương (Knơ̆ng bruă 3/2) mơ̆ng bruă Đảng čar Bình Dương, ngă truh klei hmăi kjham, luič liê ngăn prăk knŭk kna. Phŭn bruă kđi čar bi mklă ngă klei ƀuah mkra hŏng êpul kiă kriê bruă Đảng čar bình Dương wưng thŭn 2015-2020 hŏng klei ƀuăh ăl lehanăn srăng bi êdah hdră êlan ƀuah mkra hŏng klei brei mdei bruă dŭm čô djŏ tuôm hlăm klei anei.

Y Khem pô mblang