VOV4.Êđê - Aguah mbrue (17/6), ti anôk bruă phŭn bruă lĭng kahan, bruă Đảng kahan gưl dlông wưng păn bruă 2020 – 2025 mkŏ mjing leh klei bi kƀĭn tal 1 mơ̆ng khua gĭt gai Đảng Nguyễn Phú Trọng kiă kriê, jing khua bruă Đảng kahan gưl dlông mâo klei bi êdah bruă mklă mklơ̆ng mơ̆ng phŭn bruă kđi čar ruah mdưm phung khua kiă kriê hlăm Êpul bruă Đảng kahan gưl dlông wưng păn bruă 2020 - 2025, mơ̆ng boh tŭ dưn leh mâo, tui si klei kiă kriê gĭt gai hlue ngă bruă knuă hlăm lĭng kahan 6 mlan êgao, dưi bi klă leh hdră êlan hlăm wưng kơ anăp. Mbĭt hŏng khua lăn čar Nguyễn Xuân Phúc, khua knŭk kna Phạm Minh Chính, khua hlăm êpul kiă kriê bruă Đảng gưl dlông Võ văn Thưởng, thượng tướng Phan Văn Giang, khua phŭn bruă lĭng kahan, mbĭt hŏng jih jang phung khua prŏng hlăm phŭn bruă kđi car, phung khua knơ̆ng mrô 1 dŭm phŭn dhar bruă gưl dlông. Blŭ hrăm ti anôk bi kƀĭn Khua gĭt gai Đảng Nguyễn Phú Trọng mtă, bruă Đảng kahan gưl dlông hlăm wưng păn bruă mrâo năng lŏ mđing hĭng kơ bruă klam, lŏ dơ̆ng păn kjăp hdră êlan, hŏng klei bi mguôp, bi sa ai mâo klei bhiăn kjăp, mâo klei kreh knhâo hlăm bruă kiă kriê, hŏng klei êngiê mkŏ mjing lĭng kahan siă suôr hŏng lăn čar, hŏng Đảng, knŭk kna lehanăn hŏng phung ƀuôn sang, boh nik mkŏ mjing bruă Đảng kahan klă sĭt doh mngač kjăp ktang, mâo klei bi hmô hlăm bruă kiă kriê jih jang lĭng kahan ngă bi tŭ jing bruă čuăn mâo jao, čiăng lŏ bi msiam hĭn knhuah gru lĭng kahan awa Hô./.

Y Khem pô mblang