VOV4.Êđê -  Aguah mbrue (11/6) ti gŭ klei kiă kriê mơ̆ng khua gĭt gai Đảng Nguyễn Phú Trọng, Phŭn bruă kđi čar mâo leh klei bi kƀĭn mă klei blŭ kơ bruă mdrơ̆ng hŏng klei ruă tưp Covid 19. Klah čŭn klei bi kƀĭn, Khua gĭt gai Đảng mñă, ti anăp klei dleh dưi ksiêm dlăng mơ̆ng klei ruă tưp Covid 19, khua gĭt gai Đảng, knŭk kna, Êpul khua kiă kriê ala čar kơ bruă mdrơ̆ng hŏng klei ruă tưp Covid 19, gĭt gai leh kjăp, hŏng jih ai tiê, iêu jak jih bruă kđi čar ngă bruă hŏng klei ktang, kñăm gang mkhư̆ klei ruă tưp.

Khua gĭt gai Đảng mtă, kơ Anôk bruă kiă kriê knuă druh Đảng knŭk kna, bruă Đảng hlăm êpul bruă kƀĭn ala, Êpul kiă kriê bruă ala čar mdrơ̆ng hŏng klei ruă tưp Covid 19, dŭm phŭn dhar bruă, alŭ wăl lŏ dơ̆ng mđĭ hĭn bruă mdrơ̆ng hŏng klei ruă tưp. Khua gĭt gai Đảng lač klă, điêt đuôt amâo mâo dưi ngă ngơi mang, luič klei răng, amâo mâo tŭ ư hŏng bruă leh dưi ngă ôh, lŏ dơ̆ng ngă dŭm hdră êlan, čih mkra hdră mdrơ̆ng hŏng djăp mta klei truh amâo mâo jăk./.

Y Khem pô mblang