VOV4.Êđê - Aguah mbrue (23/5) mbrue, Khua gĭt gai Đảng Nguyễn Phú Trọng ngă leh klei dưi pô nao ruah khua ti anôk mplĕ hră mrô 58 Nguyễn Du, Quận Ha Bà Trưng, Hà Nội. Wĭt lač klei êmuh mơ̆ng lu phung ngă bruă klei mrâo hlăm ala čar lehanăn ala tač êngao leh klei mplĕ hră, Khua gĭt gai Đảng Nguyễn Phú Trọng bi êdah klei čang hmăng, lehanăn klei jih jang phung ƀuôn sang kluôm ala, jih jang phung bi ala Quốc hội gưl 15 lehanăn HĐND dŭm gưl mâo ruah tal anei, srăng jih ai tiê kyua phung ƀuôn sang, kyua lăn čar, duh mĭn kơ puhng ƀuôn sang, ngă djăp ênŭm bruă klam, bruă čuăn yuôm bhăn mơ̆ng pô djŏ hŏng hdră bhiăn phŭn, lehanăn klei bhiăn mtrŭn leh.

Boh nik sĭt suôr hŏng lăn čar, kyua phung ƀuôn sang, hŏng hdră bhiăn phŭn ala čar yang ƀuôn ngă phŭn Việt Nam, ngă djăp ênŭm bruă klam mơ̆ng pô bi ala kơ phung ƀuôn sang ruah leh, bi ala kơ phung ƀuôn sang kiă kriê lăn čar. Khua gĭt gai Đảng Nguyễn Phú trọng mñă: Klei ruah khua tal anei mkŏ mjing hŏng klei tŭ jing jăk siam, mjing leh ai êwa hrue mơak kơ jih jang mnuih, hrue mơak prŏng kơ lăn ala êa djuh./. 

Y Khem pô mblang