VOV4.Êđê - Ƀri gưl bi hdơr 80 thŭn hruê knhuah gru phung khua thŭn Việt Nam (6/6), tlam mbruê 4-6, Knơ̆ng bruă sang čư̆ êa čar Dak Nông nao čhưn, mđup brei mnga leh anăn hoêč hmưi kơ phung khua thŭn čar Dak Nông. Knơ̆ng bruă sang čư̆ êa čar bi mni kơ klei đru mguôp phung knưa druh, phung hlăm êpul mnuih khua thŭn hlăm ưng êgao, amâo djŏ knŏng jing klei bi hmô kơ anak čô hlăm djăp mta bruă ôh, ƀiădah lŏ duh myơr mkŏ mjing alŭ wăl ƀrư̆ hruê ƀrư̆ đĭ kyar. Knơ̆ng bruă sang čư̆ êa čar čang hmăng phung knuă druh, phung hlăm êpul hgŭm mâo klei suaih pral, lŏ dơ̆ng duh myơr, boh nik hlăm hdră “Phung khua thŭn thâo bi hmô hlăm bruă mkŏ mjing leh anăn răng mgang čar kwar”. Hlăm klei bi tuôm, Khua Êpul hgŭm phung khua thŭn čar mni lač jăk kơ khua gĭt gai čar hlăm bruă kriê dlăng phung khua thŭn. Êpul hgŭm phung khua thŭn čar lŏ dơ̆ng mđĭ lar ai tiê, hrăm mbĭt hŏng alŭ wăl hlăm dŭm hdră bi lông ktưn khăp kơ ala čar, boh nik bi hriăm phung mda asei.

H Zawut pô mblang