VOV4.Êđê-  Tlam hruê 7/6, ti Sang bruă Quốc hội, Khua kiă kriê Quốc hội Vương Đình Huệ bi trông čhai leh trực tuyến hŏng Khua kiă kriê Hạ viện Australia Tony Smith. Ti anôk bi trông, dua khua kiă kriê mñă klă, Klei bi mjĕ ƀĭng hgŭm phŭn plah wah dua ala čar ƀrư̆ hruê ƀrư̆ đĭ kyar, mâo klei đăo knang, klă sĭt lehanăn êlam hĭn. Hlăk klei ruă Covid 19 dôk mâo dleh dưi ksiêm dlăng lehanăn huĭ hyưt mơ̆ng thŭn dih truh kơ ară anei, ƀiădah dua tĭng ăt krơ̆ng kjăp hdră bi tuôm, bi trông čhai gưl dlông. Dua tĭng lŏ dơ̆ng hluê ngă hdră bi trông hluê Êpul dŭm gưl, bi trông klei thâo hlăm hdră mkŏ mjing klei bi kƀĭn ala, mđĭ klei thâo săng lehanăn hyuă kjăp hĭn klei bi mjĕ hgŭm bruă dua nah, mbĭt anăn bi hgŭm kjăp lehanăn bi đru, sa ai ti dŭm klei bi kƀĭn trông lu tĭng./.

                                                    Pô mblang: H’Nêč Êñuôl