VOV4.Êđê- Aguah mbrue (3/6), ti anôk bruă khua lăn čar, Khua lăn čar Nguyễn Xuân Phúc, jing khua Êpul hgŭm răng mgang klei êđăp ênang ala čar, khua knơ̆ng kiă kriê bruă lĭng kahan yang ƀuôn bi klă leh ruah mdưm bruă jing khua knơ̆ng kčĕ bruă lĭng kahan yang ƀuôn Việt Nam kơ Thượng tướng Nguyễn Tân Cương, khua hlăm êpul kiă kriê bruă Đảng gưl dlông, Khua hlăm êpul kiă kriê bruă Đảng lĭng kahan gưl dlông, k'iăng khua phŭn bruă lĭng kahan.

Khua lăn čar Nguyễn Xuân Phúc đăo knang, lehanăn čang hmăng kơ Thượng tướng Nguyễn Tân Cương hŏng bruă mrâo lŏ dơ̆ng mjuăt bruă kđi čar, hŏng klei mĭn kjăp, sĭt suôr hŏng Đảng, knŭk kna, lĭng kahan lehanăn phung ƀuôn sang, gĭt hrăm mbĭt hŏng Êpul bruă Đảng kahan gưl dlông, Kiă kriê phŭn bruă lĭng kahan, gĭt gai mđĭ klei mjuăt bi hriăm, mprăp ai tiê kơ klei bi blah, rơ̆ng kơ êpul lĭng kahan pô bi leh jăk nanao bruă Đảng, knŭk kna, lĭng kahan lehanăn phung ƀuôn sang kčah jao./.

Pô mblang: Y-Khem Niê