VOV4.Êđê - Hrue mbrue (17/6) Khua knơ̆ng kiă kriê sang mđung asăp blŭ Việt Nam Đỗ Tiến Sỹ mâo leh klei bi tuôm hlăm online hŏng khua knơ̆ng kiă kriê Êpul hgŭm mđung asăp, mđung rup Asi-Pacifik (Thái Bình Dương) pia klah čŭn jing ABU, Javad Mottaghi. Ti anôk bi tuôm, Khua knơ̆ng kiă kriê ABU lač, hŏng klei thâo leh hlăm bruă Khua knơ̆ng kiă kriê mrâo Đố Tiến Sỹ srăng atăt sang mđung asăp blŭ Việt Nam mâo klei đĭ kyar hĭn hlăm wưng kơ anăp. Ñu lŏ brei thâo, hŏng klei jing khua knơ̆ng kiă kriê ABU, ñu mâo ngă leh lu bruă bi mguôp hŏng sang mđung asăp blŭ Việt Nam hlăm dŭm thŭn êgao, lehanăn čang hmăng srăng lŏ mâo lu klei bi mguôp hĭn hŏng khua knơ̆ng kiă kriê mrâo Đố Tiến Sỹ. Khua knơ̆ng kiă kriê sang mdung asăp blŭ Việt Nam lač, sang mđung asăp blŭ Việt Nam jing pô hgŭm bŏ hŏng bruă klam mơ̆ng ABU pioh hrăm mbĭt hŏng ABU mđĭ kyar./.

Y Khem pô mblang