VOV4.Êđê- Aguah mbruê 26-5, Khua Knŭk kna Phạm Minh Chính mă bruă trực tuyến hŏng čar Bắc Giang leh anăn Bắc Ninh kñăm ba hdră msir mjêč ti anăp  klei dleh ktuê dlăng klei ruă Covid-19 leh ênoh mnuih ruă đĭ nanao, hnơ̆ng tưp lar pral. Ti anôk bi kƀĭn, Khua knŭk kna Phạm Minh Chính mtă kơ pô bi ala khua gĭt gai dŭm čar Bắc Giang, Bắc Ninh leh anăn dŭm Phŭn, dhar bruă djŏ tuôm, hưn mthâo, bi mklă boh klei ăt msĕ mơh kčĕ dŭm hdră msir kñăm msưh kdŭn klei ruă tưp ti dua alŭ wăl anei. Hluê si dŭm Phŭn, dhar bruă, alŭ wăl, hdră msir phŭn ară anei jing bi doh wăl tuh tia mkra mjing, bi doh mnuih mă bruă hŏng dŭm hdră msir ksiêm dlăng ba yua klei ksiêm mkă pral, hnơ̆ng ktuê dlăng 3 hruê sa blư̆ hŏng wăl tuh tia mkra mjing, ba phung F0 kbiă mơ̆ng krĭng mâo klei ruă tưp hnưm hĭn, mjưh mdei bruă  ba nao mnuih mă bruă hlăm dŭm boh sang mkra mjing. Pŏk mlar hnơ̆ng bi ktlah ala ƀuôn ti čar, ktuê dlăng tliêr kjăp ti dŭm wăl bi ktlah hjăn, amâo brei mâo klei bi mtưp ôh hlăm êpul êya.

Pô mblang: H’Zawut Ƀuôn Yă