VOV4.Êđê- Khua knŭk kna mâo leh klei mtrŭn kơ bruă mđĭ kyar duh mkra mnia mblei krĭng čư̆ čhiăng, krĭng taih kbưi, plao ksĭ wưng thŭn 2021 – 2025. Mơ̆ng bruă anei mâo bi êdah leh dŭm hdră êlan kơ klei mđĭ kyar, msĕ si mđĭ kyar bruă mnia mblei hlăm alŭ wăl să, ƀuôn, wăl krah mkŏ mjing hdră êlan duh mkra mnia mblei boh mnga bruă lŏ hma, mnơ̆ng mnuă kơ bruă lŏ hma bi djŏ hŏng klei găl krĭng čư̆ čhiăng. Pŏk anôk čhĭ mnia sa anôk boh mnga bruă lŏ hma, mtrŭt mjhar pŏk phai klei čhĭ mnia êngiê, gŏ êsei čhĭ mnia. Bruă khua knŭk kna bi klă hdră mđĭ kyar bruă duh mkra mnia mblei krĭng čư̆ čhiăng, krĭng taih kbưi, plao ksĭ wưng thŭn 2021 – 2025 jing  yuôm bhăn snăk, bi êdah klei Đảng, knŭk kna mđing hŏng krĭng dleh dlan hĭn êdi./.

Pô mblang: Y-Khem Niê