VOV4.Êđê- Ƀri mlan mă bruă kyua phung hđeh thŭn 2021, khua knŭk kna mâo bi klă leh hdră mtrŭn mrô 830, hrue 1/6/2021 kơ Hdră răng mgang lehanăn đru phung hđeh thâo ba yua internet hŏng klei jăk wưng thŭn 2021 – 2025. Anei jing gưl tal êlâo Việt Nam mâo leh sa hdră gưl ala čar pioh hjăn kơ phung hđeh răng mgang digơ̆ hlăm klei ba yua internet. Hdră anei kñăm mâo klei tŭ dưn mdua: Răng mgang klei dưi êngiê hjăn kơ hđeh, lehanăn gang mkhư̆ klei duah mjhua hlăm êlan mạng ba klei jhat kơ hđeh, hlăm anăn mđing hĭng bi hriăm hđeh djăp mta klei thâo, bi djŏ guôp hŏng hnơ̆ng thŭn phung hđeh hlăm êlan mạng. Tal dua jing, mjing nanao anôk jăk hlăm internet đru mđĭ kyar klei thâo săng kơ hđeh kơ klei dôk dơ̆ng ƀơ̆ng huă, ba yua klei blŭ pô, knhuah hdĭp pô hlăm klei hriăm mjuăt hŏng puhng hđeh, mâo klei thâo bi mguôp knhuah mĭn hŏng klei mbruă./.

Pô mblang: Y-Khem Niê