VOV4.Êđê -  Khua knŭk kna mrâo mâo Asăp mtrŭn ba m’ĭt kơ Khua bruă Đảng ƀuôn prŏng, bruă Đảng čar, Khua anôk bruă sang čư̆ êa ƀuôn prŏng Hồ Chí Minh lehanăn dŭm čar Bình Dương, Đồng Nai, Long An; phung Khua phŭn bruă, K’iăng khua phŭn bruă mơ̆ng dŭm Phŭn bruă, anôk bruă hlăm knŭk kna; Anôk bruă ala čar gĭt gai hdră gang mkhư̆ klei ruă Covid 19; Êpul ngă bruă mơ̆ng knŭk kna hluê ngă hdră gang mkhư̆ klei ruă Covid 19. Hlăm asăp mtrŭn mâo boh phŭn: Să, ƀuôn prŏng, wăl krah jing “Kđông kjăp”, mnuih ƀuôn sang jing “Lĭng kahan” hlăm hdră gang mkhư̆ klei ruă čiăng iêu mthưr, mtrŭt mjhar, hlak mblang, mtrŭt mđĭ ai, ktrâo lač, mtă kơ mnuih ƀuôn sang amâo kbiă mơ̆ng sang, “ti anôk drei dôk hlŏng dôk ti anăn yơh”, bi ktlah mnuih hŏng mnuih, sang hŏng sang, să hŏng să, ƀuôn hgŭm hŏng ƀuôn hgŭm. Mnuih ƀuôn sang jing pô phŭn hlăm hdră gang mkhư̆ klei ruă tưp. Klei nao hgŭm, hlue ngă kjăp klei kčah mtrŭn mơ̆ng mnuih ƀuôn sang mâo bruă klam yuôm bhăn bi mklă klei tŭ jing hlăm hdră gang mkhư̆ klei ruă tưp. Anei jing klei đua klam lehanăn klei tŭ dưi mơ̆ng grăp čô mnuih ƀuôn sang kñăm răng mgang klei suaih pral pô, gŏ sang pô lehanăn êpul êya yang ƀuôn. Hdră bi kdơ̆ng hŏng klei ruă tŭ dưi jing klei tŭ dưi kbiă hriê mơ̆ng mnuih ƀuôn sang./.

H Nêč pô mblang