VOV4.Êđê- Ti anăp klei ruă Covid-19 dleh ktuê dlăng ti ƀuôn prŏng Hồ Chí Minh leh anăn dŭm čar phŭn nah Dhŭng, aguah 15-7, Khua Knŭk kna Phạm Minh Chính gĭt gai leh Klei bi kƀĭn online Dhar bruă Knŭk Khua Knŭk kna ahŏng 27 alŭ wăl nah Dhŭng kơ bruă gang mkhư̆ klei ruă Covid-19. Ti anôk bi kƀĭn, Khua Knŭk kna mtă jih jang phung bi ala kƀĭn bi trông ksiêm dlăng boh klei ruă Covid-19 ară anei leh anăn đaŏ knăl hlăm wưng kơ anăp; klei tŭ, mkhư̆ hlăm hdră ngă bruă klam, hdră msir hlăm wưng êgao leh anăn mta phŭn mơ̆ng dŭm klei tŭ, klei êdu kƀah; ktrâo lač dŭm klei hriăm leh anăn klei kčĕ, klei akâo, dŭm bruă klam, hdră msir hluê ngă hlăm wưng kơ anăp, boh nik kơ bruă gĭt gai, mkŏ mjing hluê ngă, klei bi hgŭm plah wah dŭm bruă, alŭ wăl čiăng kơ hdră gang mkhư̆ klei ruă Covid-19 tŭ dưn hĭn, hlăm ai tiê răng mgang klei suaih pral mnuih ƀuôn sang êlâo hĭn.

Pô mblang: H’Zawut Ƀuôn Yă