VOV4.Êđê - Hruê 30-7, Khua Knŭk kna Phạm Minh Chính gĭt gai klei bi kƀĭn online Knŭk kna hŏng dŭm alŭ wăl kơ klei gang mkhư̆ klei ruă Covid-19 leh anăn hdră mkŏ mjing, hluê ngă dŭm boh phŭn, bruă klam mâo Bruă kƀĭn ala gưl 15 Bi mklă hlăm Klei bi kƀĭn tal 1 djŏ tuôm kơ hdră gang mkhư̆ klei ruă Covid-19. Khua Knŭk kna Phạm Minh Chính brei thâo, gưl klei ruă Covid-19 tal 4 anei găn leh giăm 100 hruê; klei ruă tưp ăt dleh ktuê dlăng, boh nik ti ƀuôn prŏng Hồ Chí Minh, dŭm čar nah Dhŭng leh anăn kwar Dhŭng. Hlăm wưng êgao, mbĭt hŏng phung khua gĭt gai Đảng, Bruă kƀĭn ala ngă leh hdră gang mkhư̆ klei ruă Covid-19 ktang phĭt, jih ai tiê. Khua knŭk kna mtă kơ phung bi ala nao hlăm Klei bi kƀĭn, mơ̆ng năn Knŭk kna srăng mâo Hdră mtrŭn kơ bruă hluê ngă dŭm hdră msir mjêč gang mkhư̆  Covid-19.

H Zawut pô mblang