VOV4.Êđê – Mmăt mbruê 23/7, khua knŭk kna Phạm Minh Chính gĭt gai leh klei kƀĭn online hŏng 21 čar, ƀuôn prŏng krĭng Dhŭng lehanăn Krah kwar Dhŭng jing dŭm alŭ wăl dôk mâo klei ruă tưp Covid-19 lŏ ngă kjăp hĭn dŭm hdră gang mkhư̆ klei ruă tưp Covid-19. Klei kƀĭn čiăng ksiêm dlăng boh klei leh 5 hruê ngă hdră mtrŭn mrô 16 hlăm 19 čar, ƀuôn prŏng krĭng Dhŭng lehanăn hyuă kjăp Hră mtrŭn hruê 21/7 mơ̆ng êpul khua gĭt gai kơ bruă lŏ mđĭ hĭn dŭm hdră êlan gang mkhư̆ klei ruă tưp Covid-19.

Khua knŭk kna mtă kơ dŭm alŭ wăl lŏ ksiêm dlăng kjăp boh klei ară anei, ngă jăk dŭm hdră mtrŭn mơ̆ng knŭk kna, khua knŭk kna, ngă kjăp hĭn, ktang hĭn, mâo boh tŭ dưn hĭn. Boh nĭk, brei mđing dŭm hdră gang mkhư̆ klei ruă tưp ară anei jing pral gang mkhư̆, mđĭ klei thâo săng kơ mnuih ƀuôn sang kyua kman tưp mơ̆ng mnuih truh kơ mnuih, mbĭt anăn lŏ hyuă kjăp klei bhiăn hlăm bruă ksiêm dlăng, hluê ngă dŭm hdră bhiăn hlăm anôk bi ktlah lehanăn ngă hdră mtrŭn mrô 16.

Y Ƀel pô mblang