VOV4.Êđê - Aguah mbruê 4/7, khua knŭk kna Phạm Minh Chính gĭt gai leh klei kƀĭn online hŏng dŭm čô khua êmua gĭt gai dŭm phŭn, dhar bruă, khua gĭt gai ƀuôn prŏng Hồ Chí Minh, čar Bình Dương, Đồng Nai, Bình Phước, Tây Ninh, Bà Rịa – Vũng Tàu, Long An, Tiền Giang kơ bruă gang mkhư̆ klei ruă tưp Covid-19. Blŭ ti anôk bi kƀĭn, khua knŭk kna Phạm Minh Chính gĭt gai, ktang mâo lu klei dleh dlan ktang mâo klei bi mguôp, bi mđing hmư̆, kah mbha, bi kluôm ênŭm dŭm hdră êlan djŏ hŏng grăp alŭ wăl, anôk bruă.

Mâo nanao klei bi mklă, ƀuôn prŏng Hồ Chí Minh, Hà Nội mâo klei mđing hĭn kơ bruă kđi čar, bruă duh mkra, yang ƀuôn, klei êđăp ênang, bruă lĭng kahan lehanăn jing 2 anôk bruă duh mkra yuôm hĭn hlăm ala čar. Khua knŭk kna bi mklă, hruê mmông kơ anăp, klei ruă tưp srăng dleh dưi ksiêm dlăng hĭn, drei čiăng mâo klei gĭr dưi ngă dua bruă mđua, dŭm bruă srăng ngă êlâo hĭn, kñăm gang mkhư̆ klei ruă tưp, “Hmao ƀuh hnưm, čuăl krĭng, bi ktlah hmar, mdjiê kman mâo klei tŭ dưn, hmar bi hơĭt klei hdĭp.”

Y Ƀel pô mblang