VOV4.Êđê- Adŭ bruă knŭk kna mrâo mâo leh hră mtrŭn kơ bruă tiŏ nao knuă druh bruă mdrao mgŭn mdrơ̆ng hŏng klei ruă tưp Covid 19, truh kơ Phŭn bruă mdrao mgŭn, Khua knơ̆ng bruă sang čư̆ êa dŭm čar, ƀuôn prŏng hlăm knơ̆ng phŭn. Hlue anăn, ti anăp klei ruă tưp hlăk bluh đĭ ktang, klei ciăng bi mâo djăp nai aê mdrao mdrơ̆ng hŏng klei ruă tưp, boh nik phung aê mdrao, nai mdrao kơ dŭm alŭ wăl mâo eneoh mnuih ruă lu ti kwar Dhŭng.

Khua knŭk kna kiă kriê: Khua phŭn bruă mdrao mgŭn čŏng ngă mjêč hĭn mkŏ mjing mtam klei mjuăt bi hriăm, mđĭ hnơ̆ng thâo mdrao hlăm kluôm ala, bi djŏ hŏng klei dôk čiăng hlăm dŭm alŭ wăl mâo lu mnuih ruă hĭn. Khua knơ̆ng bruă sang čư̆ êa dŭm čar, ƀuôn prŏng hlăm gưl dlông, kiă kriê mjing djăp klei găl đru kơ dŭm anôk bruă mdrao mgŭn mđĭ klei thâo ngă bruă, nao bi đru hlăm êpul phung nai aê mdrao tui si Phŭn bruă mdrao mgŭn tiŏ nao./.

Pô mblang: Y-Khem Niê