VOV4.Êđê - Tlam hruê 27-8, leh klei mă bruă hŏng čar Bình Dương, Khua knŭk kna lŏ dơ̆ng ksiêm dlăng bruă gang mkhư̆ klei ruă tưp ti Đồng Nai, mđĭ ai mnuih ƀuôn sang gĭr gang mkhư̆ klei ruă tưp. Anôk tal êlâo, Khua knŭk kna nao jing sang dhar kreh să Thạnh Phú, kdriêk Vĩnh cưủ, čar Đồng Nai, anôk bi kƀĭn dŭm klei iêu jak, đru čiăng mkăp mnơ̆ng ƀơ̆ng huă kơ phung dleh dlan ti alŭ wăl. Khua knŭk kna êmuh hriăm, mđĭ ai phung čŏng mă bruă tinei, bi mni kơ ai tiê bi đru, bi khăp mơ̆ng mnuih ƀuôn sang, čang hmăng grăp čô mnuih lŏ dơ̆ng gĭr, amâo lui hlei pô čiăng klei đru čiăng hnưm hgao klei ruă tưp. Leh kơ năn, Khua Knŭk kna nao êmuh hrăm, mđĭ ai mnuih ƀuôn sang dôk bi ktlah ti dŭm alŭ wăl ti kdriêk Vĩnh Cửu leh anăn ƀuôn prŏng Biên Hoà. Leh nao ksiêm dlăng, Khua Knŭk kna mâo leh mmông mă bruă hŏng Khua gĭt gai čar Đồng Nai. Khua knŭk kna mtă brei kƀĭn kơ gưl nah gŭ, amâo brei mnuih ƀuôn sang kbiă ti êlan čiăng rơ̆ng bi ktlah bi jăk. Brei rơ̆ng klei hdĭp mda ala ƀuôn, êđăp ênang kơ yang ƀuôn. Amâo brei mnuih ƀuôn sang kƀah mnơ̆ng ƀơ̆ng huă ôh.

H Zawut pô mblang