VOV4.Êđê- Tlam hruê 21/6, Khua knŭk kna Phạm Minh Chính gĭt gai leh Klei bi kƀĭn online hŏng 32 alŭ wăl kơ hdră gang mkhư̆ klei ruă Covid 19. Anei jing dŭm alŭ wăl dôk mâo klei ruă amâo dah mâo wăl tuh tia, krĭng mkra mjing prŏng. Khua knŭk kna Phạm Minh Chính tĭng dlăng, klei ruă ăt dôk mâo dleh dưi ksiêm dlăng, dleh đăo knăl. Sa blư̆ dơ̆ng, khua knŭk kna mñă klă, klei ruă tưp huĭ srăng bluh mâo hlăm sa wưng amâo thâo êlâo kyua anăn drei amâo dưi ngă ngơi luič klei mđing răng. Ară anei, brei wăt anôk bruă kđi čar gưl nah gŭ ngă bruă kjăp ktang hĭn, boh nik mñă klă, brei thâo klă ênŭm klei dôk mâo ti gưl nah gŭ. Kriê dlăng kjăp mnuih ƀuôn sang ti dŭm alŭ wăl; bi hgŭm hŏng kahan ksieme, lĭng kahan, dŭm epeul thơ̆ng kơ bruă kñăm ngă jăk bruă răng mgang anôk bi ktlah, răng mgang klei êđăp ênang ala ƀuôn, răng mgang klei êđăp ênang kơ mnuih ƀuôn sang. Khua knŭk kna mñă klă, bruă klam mdua jing dleh dlan snăk. Khădah dleh dưn ƀiădah brei drei ăt hluê ngă, gĭr hgao jih čiăng bi mklă pô, lŏ mâo klei thâo hlăm hdră kiă kriê, gĭt gai. Ktuê ksiêm klei dôk mâo kñăm ba mdah dŭm hdră mtrŭn klă nik, tŭ dưn, ba wĭt klei đăo knang hlăm mnuih ƀuôn sang, hưn mthâo dŭm hdră msir ba wĭt boh tŭ dưn jăk siam./.

Pô mblang: H’Nêč Êñuôl