VOV4.Êđê- Khua knŭk kna mrâo mâo leh asăp mtrŭn kơ bruă hyuă hĭn djăp hdră gang mkhư̆ klei ruă tưp hŏng klei êđăp ênang. Hlăm anăn, khua knŭk kna mtă kơ phung khua knơ̆ng bruă sang čư̆ êa dŭm čar, ƀuôn prŏng hlăm gưl dlông, phung khua phŭn bruă, khua anôk bruă dŭm phŭn dhar bruă lŏ dơ̆ng hyuă kjăp hlue ngă djăp ênŭm klei gĭt gai mơ̆ng phŭn bruă kđi čar, Êpul khua kiă kriê, knŭk kna, khua knŭk kna kơ bruă mdrơ̆ng hŏng klei ruă tưp Covid 19, lehanăn jih jang klei ktrâo atăt mơ̆ng phŭn bruă mdrao mgŭn, ngă bruă hŏng klei ktang, jih ai tiê, hgang mkhư̆ mâo klei tŭ dưn ngă bruă mdua. Hmao ƀuh gang mkhư̆, bi ktlah čuăl krĭng mdrao mgŭn bi jăk. Ngă klei bi kbưi, čuăl krĭng prŏng hĭn, amâo mâo dưi ngă êdu êdŏk ôh, ngă bruă mkăp djăp mnơ̆ng ƀơ̆ng huă kơ mnuih dôk hlăm krĭng čuăl kăm mkhư̆, ba yua hdră ktang hŏng mnuih mâo kbiă hriê mơ̆ng krĭng mâo klei ruă tưp./.

Pô mblang: Y-Khem Niê