VOV4.Êđê- Ti tlam hruê 3/6, khua knŭk kna lehanăn dŭm čô khua êmua hlăm knŭk kna bi trông leh kơ hdră êlan mkra êlan dơ̆ng prăl wưng thŭn 2021-2025 lehanăn tă êlan truh kơ thŭn 2030. Khua knŭk kna mñă klă, bruă mđĭ kyar êlan dơ̆ng pral hŏng boh taih 4.000 km hlăm 10 thŭn ti anăp jing sa bruă bŏ hŏng klei dleh dlan, kyuadah čiăng ngă bruă anei bi iêu mthưr truh kơ bruă kđi čar lehanăn jih jang mnuih ƀuôn sang. Khua knŭk kna Phạm Minh Chính mtă srăng mkra êlan dơ̆ng prŏng srăng rơ̆ng mâo klei bi kna hŏmg klei čiăng lehanăn ksiêm dlăng klei hmăi hlăm lu mta. Čiăng dưi ngă bruă kñăm anei, tui hluê khua knŭk kna hdră êlan mkŏ mkra 3 bruă klưn hĭn: bruă iêu mthưr kơ jih jang, mbha gưl ksiêm dlăng, ba yua, klei kơ anôk lehanăn mnơ̆ng dhơ̆ng yua kơ bruă mkŏ mkra êlan dơ̆ng pral. Khua knŭk kna jao kơ phŭn bruă êlan klông dưi mđĭng hmư̆ dŭm klei blŭ, hrăm mbĭt hŏng dŭm phŭn, dhar, anôk bruă, alŭ wăl djŏ tuôm čiăng dưi bi leh hdră êlan čiăng kơ knŭk kna dưi bi êdah lehanăn akâo klei kčĕ mơ̆ng phŭn bruă kđi čar lehanăn bruă kƀĭn.

                                                    Pô mblang: H’Nêč Êñuôl