VOV4.Êđê - Khua knŭk kna Phạm Minh Chính mâo leh klei bi blŭ hrăm hlăm đĭng blŭ hŏng khua knŭk kna ala čar Sek Andrej Babis kñăm bi trông kơ klei bi mguôp dua ala čar, pioh lu mmông čiăng trông čhai kơ djăp bruă hgŭm êjai dôk găn klei ruă tưp Covid 19. Khua knŭk kna Phạm Minh Chính lač jăk kơ khua knŭk kna Andrej Babis lehanăn knŭk kna Sek đru leh kơ Việt Nam truh 250 êbâo hnơ̆ng vaccine gang mkhư̆ klei ruă tưp covid 19, yap anei jing klei đru pral, yuôm bhăn, bi êdah klei hgŭm mbĭt mâo leh mơ̆ng đưm jăk siam plah wah dua ala čar. Khua knŭk kna čang hmăng kơ knŭk kna Sek lŏ đru kơ Việt Nam dŭm ênoh vaccine ala čar Sek ka yua ôh, čiăng kơ Việt Nam dưi mâo djăp vaccine, pral tơdah dưi, đru mbĭt hŏng kdrăp mdrao mgŭn. Dua khua knŭk kna mâo klei bi trông, mtrŭt mđĭ klei hgŭm lu mta plah wah Việt Nam – Sek mđĭ kyar hlăm sa knhuang mrâo, tŭ dưn hĭn hlăm wưng kơ anăp./.

Y Khem pô mblang