VOV4.Êđê- Tlam hruê 14/6/2021, Khua knŭk kna Phạm Minh Chính mâo leh klei bi trông hluê êlan đĭng blŭ hŏng Khua knŭk kna Prăng Jean Castex. Hlăm hdră bi trông, Khua knŭk kna Phạm Minh Chính bi mni kơ dŭm klei đĭ kyar jăk siam hlăm klei bi mjĕ Việt Nam – Prăng hlăm wưng êgao, mñă klă Prăng jing sa hlăm dŭm ƀĭng hgŭm bruă mrô sa mŏng Việt Nam ti krĭng Ơrôp lehanăn čang hmăng dưi mđĭ hĭn klei bi mjĕ ƀĭng hgŭm mŏng đưm, đăo knang lehanăn phŭn plah wah dua ala čar. Dua khua kiă kriê tŭ ư hrăm mbĭt kah mbha klei thâo hlăm hdră gang mkhư̆ klei ruă tưp. Khua knŭk kna Prăng mñă srăng đru kơ Việt Nam hlăm bruă mkăp vaccine. Kơ hdră bi hgŭm bruă duh mkra dua nah, dua khua kiă kriê bi trông leh kơ lu hdră msir klă klơ̆ng kñăm mđĭ hĭn klei bi mjĕ dua ala čar, tŭ ư bi hgŭm kjăp hĭn, pŏk ngă sĭt êmĭt, ba yua tŭ dưn klei kuôl kă EVFTA lehanăn hnưm bi mklă EVIPA, mjing klei găl kơ bruă ba čhĭ mnơ̆ng lŏ hma Việt Nam hlăm wăl anôk mnia mblei Prăng, boh nik dŭm mta boh kroh hlăk hlê truh yan mơ̆ng Việt Nam ară anei./.

                                                    Pô mblang: H’Nêč Êñuôl