VOV4.Êđê - Hruê mbruê 4-6, ti Anôk bruă knŭk kna, Khua knŭk kna Phạm Minh Chính bi trông hŏng khua knŭk kna ala čar Cộng hòa nhân dân Trung Hoa Lý Khắc Cường. Hlăm klei bi trông, dua khua knŭk kna bi trông kơ lu mta phŭn klă sĭt đru mguôp mkra mđĭ, hyuă kjăp klei đaŏ knang kđi čar, bi đru klei dleh dlan, găl ênưih, klei thâo leh anăn bi trông dŭm hdră msir mđĭ klei bi hgŭm dua ala čar hlăm wưng kơ anăp.

Khua knŭk kna Cộng hòa nhân dân Trung Hoa Lý Khắc Cường hơêč hmưi kơ Đảng Cộng sản Việt Nam mkŏ mjing tŭ jing Klei bi kƀĭn tal XIII leh anăn dŭm klei tŭ Việt Nam dưi mâo hlăm hdră mđĭ kyar bruă duh mkra - ala ƀuôn leh anăn gang mkhư̆ klei ruă Covid-19; bi mklă Đảng, Anôk dlăng bruă ala čar leh anăn mnuih ƀuôn sang TRung Quốc dlăng myuôm klei bi hgŭm hŏng Việt Nam, srăng lŏ dơ̆ng ba klei bi hgŭm riêng gah bi hgŭm Việt Nam - Trung Quốc đĭ kyar êlam hĭn, ba klei tŭ dưn klă sĭt kơ mnuih ƀuôn sang dua ala čar, čang hmăng mđĭ klei bhiăn bi trông hlăm êa ksĭ plah wah dua ala čar hnưm dưi mâo klei klă sĭt, srăng mbĭt hŏng Việt Nam leh anăn dŭm ala čar ASEAN lŏ dơ̆ng gĭr ktưn hnưm mâo klei kuôl kă COC.

H Zawut pô mblang