VOV4.Êđê- Tlam 13-7, ti anôk bruă Knŭk kna, Khua Knŭk kna Phạm Minh Chính mă bruă hŏng Phŭn bruă dhar kreh mjuăt ktang asei mlei leh anăn hiu čhưn ênguê kơ bruă mjuăt ktang asei mlei leh anăn bi tuôm hŏng phung bi lông êdah kdlưn srăng nao hlăm klei bi lông Olympic Tokyo 2020. Blŭ hrăm hlăm mmông mă bruă, Khua knŭk kna Phạm Minh Chính lač klă, hdră mjuăt ktang asei mlei, mđĭ klei suaih pral êpul êya jing sa hdră mtrŭn prŏng mơ̆ng Đảng, knŭk kna drei. Mâo klei suaih pral kơh dưi mkŏ mjing mjing ala čar. Anăp truh, phung bi lông srăng bi ala kơ ala čar nao hlăm klei bi lông Olympic Tokyo 2020. Anei jing klei ktưn hưn kơ bruă mjuăt ktang asei mlei, kơ phung bi lông. Boh nik phung amâo jăk asei mlei. Khua knŭk kna bi mni kơ klei tŭ mơ̆ng bruă mjuăt ktang asei mlei Việt Nam mâo leh hlăm wưng êgao jing ai tiê bi lông mơ̆ng drei ƀrư̆ hruê ƀrư̆ kjăp ktang. Ƀri gưl anei khua knŭk kna ăt mơĭt klei mđĭ ai leh anăn klei hơêč hmưi kơ jih jang phung bi lông nao hlăm klei bi lông Olympic Tokyo 2020.

Pô mblang: H’Zawut Ƀuôn Yă