VOV4.Êđê - Tlam hruê 25/5, khua knŭk kna Phạm Minh Chính mâo leh klei blŭ hrăm hŏng khua knŭk kna Australia Scott Morrison. Hlăm klei blŭ hrăm anăn, khua knŭk kna Phạm Minh Chính mñă klă srăng bi mguôp kjăp hŏng khua knŭk kna Australia Scott Morrison, čiăng dưi mđĭ klei bi mguôp hdră êlan Việt Nam - Australia ƀrư̆ hruê brư̆ mâo klei tŭ dưn hĭn, kluôm ênŭm lehanăn klă mngač.

Jih dua čô khua knŭk kna čiăng lŏ mâo klei kñăm lu hĭn hlăm bruă mđĭ ênoh prăk duh bi liê, klei mnia blei 2 nah, mđĭng truh kơ klei hơĭt kjăp leh êgao klei ruă tưp, hnưm bi leh lehanăn bi mklă hdră êlan mđĭ klei bi mguôp bruă duh mkra, mtrŭt mjhar bruă bi mguôp klei kreh knhâo, mrâo mrang, mkŏ mjing mâo boh tŭ dưn “Hdră êlan bi mguôp mrâo Việt Nam - Australia wưng thŭn 2022-2025”. Bi kơ boh klei ti krĭng êa ksĭ ngŏ, 2 čô khua gĭt gai mñă kơ klei yuôm bhăn mơ̆ng bruă rơ̆ng mâo klei êđăp ênang, hơĭt kjăp lehanăn mâo klei êngiê hlăm êa ksĭ, bruă êdeh phiơr, mgaih msir klei êđăp ênang lehanăn dŭm klei amâo thâo bi djŏ tui hluê klei bhiăn tar rŏng lăn./.