VOV4.Êđê - Tlam mbruê 22/6, Khua knŭk kna Phạm Minh Chính mâo klei blŭ hrăm êlân đĭng blŭ hŏng khua knŭk kna Đức Angela Merkel. Hlăm klei blŭ hrăm anăn, 2 čô khua knŭk kna bi êdah klei hơ̆k mơak kyua dŭm klei dưi mâo mơ̆ng klei bi mguôp 2 ala čar hlăm 45 thŭn leh êgao, mơ̆ng hruê mkŏ mjing klei jĕ giăm. Khua knŭk kna Phạm Minh Chính mñă klă, Việt Nam dlăng yuôn bhăn nanao klei bi mguôp hŏng ala čar Đức, hmăng hmưi lŏ mđĭ hĭn klei mjĕ giăm lehanăn klei đăo knang 2 ala čar hlăm djăp bruă.

Khua knŭk kna Khua knŭk kna Phạm Minh Chính blŭ hrăm hŏng khua knŭk kna Đức Angela Merkel ăt lač yuôm bhăn êdi klei bi mguôp plah wah Việt Nam - Đức lehanăn mñă klă jih 2 ala čar dôk ti anăp lu klei găl lehanăn klei čiăng prŏng. Čiăng bi kjăp lehanăn mđĭ hĭn klei bi mguôp jăk siam plah wah 2 ala čar, 2 tĭng mâo leh klei bi tŭ ư srăng hnưm lŏ čuê êpul bi tiŏ nao, bi tuôm gưl dlông leh anăn bi kjăp dŭm klei bi mguôp, hlăm anăn kñăm mđĭ boh tŭ dưn Dhar bruă lu bruă ngă kơ klei bi mguôp bruă duh mkra Việt Nam - Đức.