VOV4.Êđê - Hruê mbruê 22-7, ti Anôk bruă knŭk kna, Khua knŭk kna Phạm Minh Chính drông leh Ben Wallace, Khua phŭn bruă lĭng kahan ala mtao Ăngle leh anăn Dưr Ailen dôk mâo gưl hriê čhưn leh anăn mă bruă ti Việt Nam. Hlăm mmông drông, Khua knŭk kna Phạm Minh Chính brei thâo, gưl hriê čhưn jing klei bi mklă jăk kơ klei mĭn mbĭt mơ̆ng dua nah hlăm bruă mđĭ klei bi hgŭm hdơ̆ng mâo klei tŭ dưn plah wah Phŭn bruă lĭng kahan, lĭng kahan leh anăn yang ƀuôn dua ala čar, đru bi êlam hĭn dơ̆ng klei bi hgŭm lu mta bruă Việt Nam- Ăngle.

Khua knŭk kna mñă klă leh anăn čang hmăng kơ Knŭk kna Angle lŏ dơ̆ng đru mkăp vaccin kơ Việt Nam, mjing klei găl čiăng Việt Nam hnưm dưi mâo vaccin hlue si klei kuôl kă leh hlăm hdră Covax, dưi mâo vaccin Covid-19 pral hĭn, lu hĭn, ăt msĕ mơh hnưm ba jao kdrăp mkra mjing vaccin gang mkhư̆ Covid-19.

H Zawut pô mblang