VOV4.Êđê- Tlam mbruê 2/7, ti anôk bruă sang knŭk kna, khua knŭk kna Phạm Minh Chính gĭt gai leh klei bi kƀĭn trông online mơ̆ng knŭk kna hŏng dŭm alŭ wăl kơ bruă cih yap bruă duh mkra ala buôn 6 mlan akŏ thŭn lehanăn dŭm hdră tă, bruă klam, hdră êlan hlăm 6 mlan knhal jih thŭn 2021. Čiăng dưi ngă jăk bruă kñăm mdua bruă jing gang mkhư̆ klei ruă tưp Covid-19 lehanăn mđĭ kyar bruă duh mkra ala ƀuôn. Blŭ hlăm klei kƀĭn trông anăn, khua knŭk kna Phạm Minh Chính mñă klă, dŭm čô bi ala kñăm ngă bruă klah čŭn, nao kpă kơ boh klei čiăng dưi mâo dŭm bruă klam, hdră êlan, bruă kñăm djŏ hŏng klei čiăng. Hŏng ai tiê jing ktang dleh dlan, dleh ngă srăng lŏ ktang bi lar klei êngiê, djŏ hră bhiăn, iêu thưr klei thâo mơ̆ng jih jang, tui hluê dŭm klei anăn lehanăn klei jing ară anei dưi bi êdah dŭm klei kñăm, bruă klam, hdră êlan djŏ hŏng klei čiăng lehanăn dưi mkŏ mjing mâo boh tŭ dưn. Leh hmư̆ hdră mkăp čih yap boh klei bruă duh mkra- ala buôn 6 mlan akŏ thŭn lehanăn hdră tă, bruă klam, hdră êlan kơ 6 mlan knhal jih thŭn 2021, dŭm klei dleh dlan, amâo jăk čiăng dưi mgaih msir lehanăn dưi mă dŭm klei hriăm. Bi kơ hdră êlan bruă klam hlăm hruê mmông ti anăp, khua knŭk kna Phạm Minh Chính mñă klă, čiăng mâo klei gĭr dưi ngă lu bruă klam lehanăn 2 hdră mkăp mđĭ kyar bruă duh mkra mơ̆ng 6%- 6,5%

Pô mblang: Y-Ƀel Êban